3 жніўня, Мінск /Кар. БЕЛТА/. Беларускія спартсменкі Настасся Пракапенка і Ірына Прасянцова сталі прызёрамі міжнародных спаборніцтваў па сучасным пяцібор'і "Кубак Паўла Ляднёва", паведамляе карэспандэнт БЕЛТА.
У фінале жаночага турніру, які прайшоў у Маскве, выступілі лепшыя спартсменкі па выніках трох папярэдніх этапаў Кубка - 12 беларусак і 19 расіянак. У выніку пераможцай спаборніцтваў стала Гульназ Губайдуліна з Расіі, серабро і бронзу выйгралі беларускі Настасся Пракапенка і Ірына Прасянцова адпаведна. Перад фінальным відам праграмы Пракапенка ішла толькі 18-я, але дзякуючы лепшаму часу ў лазер-ране паднялася на 16 месцаў, Прасянцова ж зрабіла рывок на 3-е месца з 8-й пазіцыі. Яшчэ адна прадстаўніца нашай краіны Вольга Сілкіна доўгі час лідзіравала ў агульнай табліцы, але, паказаўшы ў лазер-ране толькі 18-ы рэзультат, заняла падагульняючае пятае месца.
Такім чынам, на фінальным этапе Кубка Паўла Ляднёва па сучасным пяцібор'і беларуская каманда заваявала тры медалі. Напярэдадні бронзавую ўзнагароду мужчынскага турніру выйграў лідар зборнай Ілья Палазкоў.-0-
