14 жніўня, Мінск /Кар. БЕЛТА/. Паўабаронца бабруйскай "Белшыны" Дзмітрый Рэкіш прызнаны лепшым іграком 21-га тура футбольнага чэмпіянату Беларусі, паведамляе карэспандэнт БЕЛТА.
У пераможнай дамашняй гульні са "Слуцкам" (4:2) 31-гадовы хаўбэк правёў на полі 70 мінут і двойчы паразіў вароты сапернікаў.
Цяпер турнірную табліцу 30-га чэмпіянату Беларусі ўзначальвае салігорскі "Шахцёр", які набраў 43 ачкі ў 21 праведзенай сустрэчы. На тры балы адстае барысаўскі БАТЭ (21 матч), у гродзенскага "Нёмана" 38 ачкоў (20).
Бамбардзірскую гонку ўзначальвае ўзбекскі форвард "Шахцёра" Джасурбек Яхшыбоеў, які забіў 12 мячоў.
Матчы наступнага тура беларускага першынства запланаваны на 21-23 жніўня.-0-