Дзмітрый Падстрэлаў. Фота pressball.by
18 кастрычніка, Мінск /Кар. БЕЛТА/. Дзмітрый Падстрэлаў прызнаны лепшым іграком 25-га тура футбольнага чэмпіянату Беларусі, паведамляе карэспандэнт БЕЛТА.
У пераможным гасцявым паядынку з "Віцебскам" 24-гадовы паўабаронца салігорскага "Шахцёра" аформіў галявы дубль і аддаў рэзультатыўную перадачу, пасля якой вызначыўся Максім Скавыш. У выніку "Шахцёр" выйграў з буйным лікам 5:0 і ўзначаліў турнірную табліцу.
Становішча ў лідзіруючай групе беларускага першынства цяпер такое: "Шахцёр" - 49 ачкоў (24 матчы), "Дынама" (Мінск) - 48 (24), "Энергетык-БДУ" (Мінск) - 48 (24), "Іслач" (Мінскі раён) - 46 (25), БАТЭ (Барысаў) - 46 (25).
Матчы 26-га тура пройдуць 18-20 кастрычніка.-0-
