.
ДЗЯРЖОРГАНЫДЗЯРЖОРГАНЫ
Серада, 3 сакавіка 2021
Мінск Суцэльная воблачнасць 0°C
Усе навіны
Усе навіны
Спорт
19 студзеня 2021, 15:49

Дзмітрый Баскаў: шкада, што ІІХФ стала ахвярай палітычных гульняў вакол Беларусі

Фота з архіва
Фота з архіва

19 студзеня, Мінск /Кар. БЕЛТА/. Старшыня Беларускай федэрацыі хакея Дзмітрый Баскаў пракаменціраваў рашэнне IIHF аб адмене мінскай часткі чэмпіянату свету па хакеі 2021 года. Аб гэтым паведамілі БЕЛТА ў прэс-службе грамадскага аб'яднання.

"Хачу персанальна звярнуцца да прадстаўнікоў так званага фонду салідарнасці спартсменаў. Асабліва да былых прафесійных спартсменаў. Сёння вы святкуеце перамогу, адабраўшы ў беларускага народа сапраўднае свята. Пасля гэтага вы не можаце называцца беларусамі. Вы здраднікі!" - адзначыў Дзмітрый Баскаў. - "Вы забралі чэмпіянат свету ў першую чаргу ў тысячы дзяцей, якія займаюцца хакеем. Гэтыя 17 дзён, на працягу якіх доўжыцца чэмпіянат, маглі б прыцягнуць у нашу краіну не толькі сусветных хакейных зорак, сапраўдных куміраў мільёнаў хлопчыкаў па ўсім свеце, на якіх раўнялася б новае пакаленне хакеістаў, але і дзясяткі тысяч замежных балельшчыкаў і сотні прадстаўнікоў СМІ, якія маглі б на ўласным вопыце пераканацца ў неверагодным харастве Беларусі, гасціннасці нашага народа і ўзроўні бяспекі ў нашай краіне. Нам шкада, што Міжнародная федэрацыя хакея і буйнейшыя сусветныя брэнды, якія падтрымліваюць развіццё сусветнага хакея, сталі ахвярамі палітычных гульняў вакол Беларусі".

Паводле слоў Дзмітрыя Баскава, у краіне была праведзена вялікая работа: спачатку па падрыхтоўцы заяўкі на правядзенне чэмпіянату свету па хакеі, а потым - непасрэдна па арганізацыі турніру. "Мы па-ранейшаму лічым, што і чэмпіянат свету ў 2021 годзе не стаў бы выключэннем, а як мінімум паўтарыў поспех турніру, які мы прымалі ўжо ў 2014-м", - канстатаваў ён.

Акрамя таго, правядзенне чэмпіянату ў Мінску магло б даць штуршок не толькі развіццю дзіцячага спорту, але і турыстычнай індустрыі, гарадской інфраструктуры. "Безумоўна, мы знойдзем гэтыя пункты росту самастойна, але "палітычная гібкасць "міжнародных інстытутаў ужо ўвойдзе ў гісторыю, тым самым стварыўшы прэцэдэнт для наступных маніпуляцый", - сказаў кіраўнік ФХБ.

Міжнародная федэрацыя хакея на лёдзе (IIHF) аб'явіла, што анулявала сумесную заяўку Беларусі і Латвіі на правядзенне чэмпіянату свету па хакеі ў бягучым годзе.

ЧС-2021 вырашылі перанесці з-за немагчымасці забяспечыць бяспеку пры правядзенні турніру ў Мінску, сказана ў заяве IIHF. У федэрацыі адзначылі, што савет IIHF разгледзіць статус Латвіі як аднаго з арганізатараў маючага адбыцца чэмпіянату і вывучыць магчымасць правесці першынство толькі ў гэтай краіне.

Чэмпіянат свету па хакеі павінен быў прайсці з 21 мая па 6 чэрвеня ў Мінску і Рызе.

Арганізатары чэмпіянату з Беларусі атрымаюць кампенсацыі з-за пазбаўлення права правесці першынство. Гэта прадугледжана кантрактам з IIHF. Дакладная сума кампенсацый пакуль не вызначана.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі