ДЗЯРЖОРГАНЫДЗЯРЖОРГАНЫ
Пятніца, 16 красавіка 2021
Мінск Воблачна з праясненнямі +9°C
Усе навіны
Усе навіны
Спорт
25 студзеня 2021, 12:59

Дзінара Алімбекава займае 7-е месца ў агульным заліку Кубка свету па біятлоне

Дінара Алімбекава. Фота  РИА Новости
Дінара Алімбекава. Фота РИА Новости

25 студзеня, Мінск /Кар. БЕЛТА/. Беларуская біятланістка Дзінара Алімбекава займае 7-е месца ў агульным заліку Кубка свету пасля сямі праведзеных этапаў, паведамляе карэспандэнт БЕЛТА.

На кубкавым этапе ў італьянскім Антхольцы Дзінара Алімбекава заняла 8-е месца ў індывідуальнай гонцы на 15 км і фінішавала 30-й у мас-старце на 12,5 км. Цяпер у актыве лідара беларускай жаночай каманды 448 ачкоў. На праведзеных кубкавых этапах заліковыя балы зарабілі яшчэ тры прадстаўніцы Беларусі: Алена Кручынкіна - 195 (27-е месца ў агульным заліку), Ірына Крыўко - 97 (39) і Ганна Сола - 90 (42).

Жаночы індывідуальны залік узначальвае нарвежская біятланістка Мартэ Олсбю-Ройселан, у якой 625 ачкоў, услед за ёй ідзе яе суайчынніца Цірыль Экхаф (617) і шведка Ханна Эберг (616). У Кубку нацый наперадзе каманда Францыі - 4947 балаў, на другой пазіцыі Швецыя - 4902, трэцяе месца займае Германія - 4885. Зборная Беларусі знаходзіцца на 6-м месцы, маючы 4312 ачкоў. У Антхольцы беларускія біятланісткі занялі 5-е месца ў эстафеце 4х6 км.

У асабістым заліку мужчын лідзіруюць нарвежскія біятланісты Іаханес Бё - 709 балаў, Стурла Холм Легрэйд - 645 і Тар'ей Бё - 566. Лепшы з прадстаўнікоў Беларусі Сяргей Бачарнікаў займае 27-е месца (160 балаў), у Антона Смольскага 31-я пазіцыя (127), Раман Ялётнаў на 46-м радку (69), Максім Варабей знаходзіцца на 50-м месцы (39), Мікіта Лабастаў займае 71-е месца (9). У заліку Кубка нацый наперадзе Нарвегія - 5526, у біятланістаў Францыі 4953 балы, трэцяй ідзе Германія - 4748. У зборнай Беларусі 3661 ачко і 8-е месца.

Цяпер мацнейшыя біятланісты планеты пачалі мэтанакіраваную падрыхтоўку да чэмпіянату свету, які пройдзе з 10 па 21 лютага ў славенскай Паклюцы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі