15 сакавіка, Мінск /Кар. БЕЛТА/. Беларуская біятланістка Дзінара Алімбекава паднялася на сёмае месца ў агульным заліку Кубка свету перад 10-м, заключным этапам, паведамляе карэспандэнт БЕЛТА.
На дзявятым кубкавым этапе ў чэшскім Нове-Места-на-Мораве Дзінара Алімбекава трэці раз у сезоне ўвайшла ў лік прызёраў, заняўшы другое месца ў гонцы праследавання. Акрамя таго, яна апынулася на шостай пазіцыі ў спрынтарскай гонцы. Цяпер у актыве лідара беларускай жаночай каманды 652 ачкі. На дзевяці мінулых этапах заліковыя балы зарабілі яшчэ тры прадстаўніцы Беларусі: Ганна Сола - 252 балы (27-е месца ў агульным заліку), Алена Кручынкіна - 223 (33), Ірына Крыўко - 118 (49).
Жаночы індывідуальны залік узначальвае нарвежская біятланістка Цірыль Экхаф, у якой 1043 балы, на другой пазіцыі яе суайчынніца Мартэ Олсбю-Ройселан (903), замыкае тройку лідараў шведка Анна Эберг (824). У заліку Кубка нацый наперадзе каманда Нарвегіі - 7069 балаў, другой ідзе Швецыя - 6988, на трэцім месцы Германія - 6865. Зборная Беларусі мае 6217 ачкоў і знаходзіцца на шостым месцы, уступаючы расіянкам 46 балаў.
У асабістым заліку мужчын лідзіруюць нарвежскія біятланісты Ёханес Бё (1011 ачкоў) і Стурла Холм Легрэйд( 986), на трэцяй пазіцыі Кентэн Фіён-Мае (872). Найлепшы з прадстаўнікоў Беларусі Сяргей Бачарнікаў займае 31-е месца (198 балаў), у Антона Смольскага 32-я пазіцыя (196), Раман Ялётнаў на 54-м радку (69), Максім Варабей знаходзіцца на 58-м месцы (56), Мікіта Лобастаў займае 73-е (20). У заліку Кубка нацый наперадзе Нарвегія - 7849 ачкоў, у біятланістаў Францыі 7108 балаў, трэцяй ідзе Германія - 6794. У зборнай Беларусі 5253 ачкі і дзявятае месца.
Апошні ў гэтым сезоне этап Кубка планеты пройдзе ў канцы гэтага тыдня ў шведскім Эстэрсундзе. У яго праграме шэсць відаў праграмы: 19 сакавіка - мужчынскі і жаночы спрынт, 20 сакавіка - дзве гонкі праследавання, 21 сакавіка - два мас-старты.-0-
