ДЗЯРЖОРГАНЫДЗЯРЖОРГАНЫ
Пятніца, 26 лютага 2021
Мінск Суцэльная воблачнасць +5°C
Усе навіны
Усе навіны
Спорт
08 снежня 2020, 16:32

Дзінара Алімбекава і Антон Смольскі прадставяць Беларусь у "Каляднай гонцы"

Фота з архіва
Фота з архіва

8 снежня, Мінск /Кар. БЕЛТА/. Традыцыйная "Калядная гонка" сярод біятланістаў у гэтым годзе пройдзе 28 снежня. Сталі таксама вядомы і першыя ўдзельнікі прэстыжнага старту. Беларусь у ёй прадставяць Дзінара Алімбекава і Антон Смольскі. Паведамілі БЕЛТА ў прэс-службе НАК Беларусі.

У складзе расійскай каманды ў мас-старце і гонцы праследавання выступяць Яўгенія Паўлава і Мацвей Елісееў. Паведамляецца, што ў складзе нямецкай каманды могуць выступіць Дэніз Херман і Бенядзікт Доль, украінскай - Віта Семярэнка і Дзмітрый Підручны.

У змешаных гонках з удзелам міжнародных дуэтаў беларускія біятланісты выступалі і ў мінулыя гады. У 2002 годзе Вольга Назарава і Аляксей Айдараў занялі ў "Каляднай гонцы" 8-е месца, у 2004-м Алена Зубрылава і Уладзімір Драчоў сталі чацвёртымі, у 2009-м на такой жа пазіцыі спаборніцтвы завяршыў інтэрнацыянальны дуэт Дар'і Домрачавай і Дамініка Ландэртынгера. Два гады таму Дар'я Домрачава і Уле-Эйнар Б'ёрндален па выніках дзвюх гонак занялі трэцяе месца.

З 2002 года гэтыя спаборніцтвы праводзіліся на стадыёне "Шальке" ў Гельзенкірхене, але ў гэтым годзе з-за пандэміі каранавіруса арганізатары вырашылі перанесці старт у Рупальдынг, дзе ён праходзіў да 2001 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі