12 кастрычніка, Мінск /Кар. БЕЛТА/. Хакеісты бабруйскага "Дынама-Шынніка" атрымалі чарговую перамогу ў рэгулярным чэмпіянаце Маладзёжнай хакейнай лігі, паведамляе карэспандэнт БЕЛТА.
Сустрэча юных дынамаўцаў са "СКА-Варагамі" ў Санкт-Пецярбургу завяршылася мінімальнай вікторыяй гасцей - 1:0. Адзіную ў матчы шайбу ў сярэдзіне другога перыяду пры гульні ў большасці закінуў абаронца "шыннікаў" Канстанцін Валочка. На дзень раней у вочным процістаянні каманд мацнейшымі таксама былі беларусы - 3:2.
Гэта перамога стала для бабруйскага клуба шостай у апошніх сямі матчах. На гэты момант дынамаўцы з 14 баламі размяшчаюцца на 4-м месцы "Сярэбранага" дывізіёна МХЛ, усяго на ачко адстаючы ад зоны плэй-оф. Наступныя гульні ў рэгулярным чэмпіянаце "шыннікі" правядуць 15 і 16 кастрычніка ў гасцях у "СКА-Карэліі" з Кондапагі. Бліжэйшы дамашні паядынак бабруйчан адбудзецца 3 лістапада.-0-
