18 красавіка, Мінск /Кар. БЕЛТА/. У Сочы завяршылася 67-я ўсерасійская шматдзённая велагонка з удзелам беларускіх спартсменаў, паведамляе карэспандэнт БЕЛТА.
Лепшым з прадстаўнікоў Беларусі стаў Яўген Каралёк. Ён тройчы трапляў на подыумы асобных этапаў гонкі і па выніках пяці дзён спаборніцтваў заняў 6-е месца ў агульным заліку. Яшчэ адзін беларус Васіль Строкаў замкнуў дзясятку мацнейшых, перамогу атрымаў расіянін Сяргей Фірсанаў.
Што датычыцца рэзультатаў іншых беларускіх велагоншчыкаў, то Кірыл Кавалёў заняў у агульным заліку 50-е месца, Мікіта Сямашка стаў 52-м, Захар Камінскі - 55-ы, Павел Турчанка - 59-ы, Ціхан Шчамялёў - 72-і. Усяго ўдзел у гонцы прынялі 107 спартсменаў.
У юніёрскім заліку быў прадстаўлены толькі адзін беларус - Вячаслаў Шпакоўскі пасля ўсіх пяці этапаў заняў 20-ю пазіцыю сярод 80 велагоншчыкаў.-0-
