29 кастрычніка, Мінск /Кар. БЕЛТА/. Беларуска Арына Сабаленка і бельгійка Элізэ Мертэнс пацярпелі паражэнне ў першым матчы парнага разраду на падагульняючым турніры Жаночай тэніснай асацыяцыі (WTA), які праходзіць у кітайскім Шэньчжэне, паведамляе карэспандэнт БЕЛТА.
У матчы першага тура Чырвонай групы беларуска-бельгійскі дуэт сустракаўся з галандска-нямецкім тандэмам Дэмі Схюрс / Анна-Лена Грэнефельд і ўступілі - 5:7, 6:1, 7:10. У другой сустрэчы гэтага квартэта венгерка Цімея Бабаш і французская тэнісістка Крысціна Младзенавіч адолелі пару з Кітайскага Тайбэя Лаціша Чан / Хаацын Чжань - 6:2, 5:7, 10:6.
У адзіночным разрадзе адбыліся стартавыя паядынкі Фіялетавай групы. Другая ракетка планеты чэшка Караліна Плішкава прайграла ўкраінцы Элінэ Світолінай, якая займае 8-е месца ў сусветным рэйтынгу - 6:7, 4:6. У другім матчы прадстаўніца Канады Б'янка Андрэеску (4-ы нумар рэйтынгу WTA) уступіла румынцы Сімоне Халеп (5) - 6:3, 6:7, 3:6.
Агульны прызавы фонд падагульняючага турніру WTA 2019, які завершыцца 3 лістапада, складае $14 млн.-0-
