Мабільная версія
ДЗЯРЖОРГАНЫ

Апошнія навіны
Усе навіны

Домрачава: выдатнае завяршэнне няпростага сезона

Спорт 26.03.2018 | 12:29
Дар'я Домрачава
Дар'я Домрачава

26 сакавіка, Мінск /Кар. БЕЛТА/. Выдатнае завяршэнне няпростага сезона. Такое меркаванне выказала на прэс-канферэнцыі пасля пераможнай гонкі з масавага старту на заключным этапе Кубка свету па біятлоне ў Цюмені Дар'я Домрачава, паведамляе карэспандэнт БЕЛТА.

Беларуская біятланістка расказала, як ёй удалося апярэдзіць чатырох саперніц пасля заключнай стральбы. "Адставанне было не такім вялікім. На апошніх метрах сабралася. Выйграла ў Цюмені дзве гонкі (спрынт і мас-старт). Цудоўны вынік! Аднак заўсёды можна лепш. Напрыклад, у агульным заліку заняла трэцяе месца, а хацелася першае", - падзялілася Дар'я Домрачава.

Чатырохразовая алімпійская чэмпіёнка запэўніла, што са старту сезона была ў нядрэннай форме, але ёй давялося памяняць марку лыж. "У сезоне было нямала цяжкасцей, праз якія давялося прайсці. Цяпер адправімся з Уле-Эйнарам Б'ёрндаленам у Нарвегію, дзе будзем у лёгкім рэжыме катацца на лыжах, праводзіць шчаслівыя сямейныя дні", - адзначыла беларуска.

Дар'я Домрачава па колькасці перамог у Кубках свету за кар'еру зраўнавалася з нямецкай біятланісткай Магдаленай Нойнер - у абедзвюх па 34 вікторыі. Адрэзак пасля Алімпійскіх гульняў у Пхёнчхане для лідара зборнай Беларусі аказаўся вельмі паспяховым у сезоне. На сёмым этапе Кубка свету ў Контыялахты ёй удалося перамагчы ў спрынце, праз тыдзень чатырохразовая алімпійская чэмпіёнка заняла другое месца ў спрынце і святкавала поспех у напружанай гонцы праследавання ў нарвежскім Холменколене, а завяршыла дзвюма перамогамі ў Цюмені. Дзякуючы высокім рэзультатам беларуска завяршыла сезон на трэцім месцы ў агульным заліку Кубка свету.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.