Фота з архіва
3 красавіка, Мінск /Кар. БЕЛТА/. Павел Чыкіда прызнаны лепшым іграком другога тура футбольнага чэмпіянату Беларусі, паведамляе карэспандэнт БЕЛТА.
У гасцявым паядынку з футбалістамі "Віцебска" капітан мазырскай "Славіі" аформіў галявы дубль і асісціраваў Кірылу Кірыленку пры трэцім узяцці варот гаспадароў. У выніку мазыране атрымалі валявую вікторыю з лікам 3:2.
Акрамя таго, Павел Чыкіда стаў аўтарам самага прыгожага гола мінулага ўік-энду. На 13-й мінуце сустрэчы з віцябчанамі пры ліку 0:2 ён эфектна трапіў у вароты сапернікаў прамым ударам са штрафнога. З трыма забітымі мячамі 28-гадовы абаронца мазыран узначаліў спіс лепшых бамбардзіраў беларускага чэмпіянату. Пасля двух тураў лідзіруюць "Славія", гродзенскі "Нёман" і жодзінскае "Тарпеда-БелАЗ", якія набралі па 6 ачкоў з 6 магчымых.
Матчы 3-га тура нацыянальнага першынства пройдуць 5-7 красавіка.-0-
У гасцявым паядынку з футбалістамі "Віцебска" капітан мазырскай "Славіі" аформіў галявы дубль і асісціраваў Кірылу Кірыленку пры трэцім узяцці варот гаспадароў. У выніку мазыране атрымалі валявую вікторыю з лікам 3:2.
Акрамя таго, Павел Чыкіда стаў аўтарам самага прыгожага гола мінулага ўік-энду. На 13-й мінуце сустрэчы з віцябчанамі пры ліку 0:2 ён эфектна трапіў у вароты сапернікаў прамым ударам са штрафнога. З трыма забітымі мячамі 28-гадовы абаронца мазыран узначаліў спіс лепшых бамбардзіраў беларускага чэмпіянату. Пасля двух тураў лідзіруюць "Славія", гродзенскі "Нёман" і жодзінскае "Тарпеда-БелАЗ", якія набралі па 6 ачкоў з 6 магчымых.
Матчы 3-га тура нацыянальнага першынства пройдуць 5-7 красавіка.-0-
