21 снежня, Мінск /Кар. БЕЛТА/. Чэмпіянат НХЛ прыпынены да Каляд. Прычына гэтага - вострая сітуацыя з COVID-19. Такая інфармацыя размешчана на афіцыйным сайце Лігі, паведамляе БЕЛТА.
НХЛ і Асацыяцыя ігракоў Нацыянальнай хакейнай лігі паведамілі, што гульні, запланаваныя на 23 снежня, адкладзены, каб пачаць калектыўныя канікулы пасля матчаў 21 снежня.
Клубы ідуць на выхадныя з 22 па 25 снежня. 26 снежня ўсе ігракі і персанал здадуць тэсты на COVID-19. 27 снежня, калі абстаноўка з заражэннямі будзе стабільная, пачнуцца матчы рэгулярнага сезона.
Зрэшты, матчы "Вашынгтон Кэпіталз" - "Філадэльфія Флаерз" і "Тампа-Бэй Лайтнінг" - "Вегас Голдэн Найтс" пройдуць згодна з раскладам (у ноч на 22 снежня па мінскім часе). Астатнія восем матчаў былі перанесены.
Нагадаем, што ў НХЛ выступаюць два беларускія хакеісты. Колеры "Нью-Джэрсі Дэвілз" абараняе Ягор Шаранговіч, а ў "Вашынгтон Кэпіталз" гуляе Аляксей Протас.-0-