5 мая, Мінск /Кар. БЕЛТА/. Чэмпіянат Германіі па футболе можа быць адноўлены 15 мая пасля аслаблення ў краіне абмежавальных мер, прынятых з-за каранавіруса. Аб гэтым паведамляе ТАСС са спасылкай на агенцтва Reuters.
Як адзначаецца ў паведамленні, аднаўленне чэмпіянату абмяркуюць у ліку іншых пытанняў 6 мая на відэаканферэнцыі канцлера Ангелы Мэркель з прэм'ер-міністрамі федэральных зямель Германіі.
Калі чэмпіянат адновяць, матчы будуць праходзіць пад строгім кантролем і без гледачоў.
Чэмпіянат Германіі прыпынілі 13 сакавіка. Адзінае еўрапейскае першынство, матчы якога праводзяцца на гэты момант, - чэмпіянат Беларусі.-0-
