Фота з архіва НАК Беларусі
21 лютага, Мінск /Кар. БЕЛТА/. У сталіцы Балгарыі Сафіі 20 лютага завяршыўся чэмпіянат Еўропы па цяжкай атлетыцы, на якім у нейтральным статусе выступалі беларускія спартсмены, паведамляе карэспандэнт БЕЛТА.
За дзевяць дзён спаборніцтваў прадстаўнікі нашай каманды заваявалі чатыры медалі ў дваябор'і (1-1-2). Чэмпіёнам Еўропы ў вагавой катэгорыі да 102 кг у мужчын стаў Яўген Ціханцоў, серабро ў вазе да 71 кг у жанчын выйграла Сюзанна Валадзько, а на трэцюю прыступку п'едэстала ў мужчынскіх катэгорыях да 96 кг і больш за 109 кг падняліся Павел Хадасевіч і Эдуард Зязюлін адпаведна.
Акрамя таго, на рахунку беларусаў дзесяць малых узнагарод у асобных практыкаваннях (2-3-5), уладальнікамі золата ў штуршку сталі Ціханцоў і Валадзько. Таксама ў актыве Яўгена другое месца ў рыўку, а ў Сюзанны ў гэтым відзе праграмы бронза. Дзве малыя ўзнагароды атрымаў і Эдуард Зязюлін у вазе больш за 109 кг (серабро ў першым практыкаванні і бронза ў другім). Серабро ў рыўку нашай дэлегацыі прынесла Юлія Гуліна (да 55 кг). Малыя бронзавыя медалі атрымалі Пётр Асаёнак (да 89 кг, штуршок), Павел Хадасевіч (да 96 кг, рывок) і Юльян Курловіч (да 96 кг, штуршок).
Усяго кантынентальны форум у Балгарыі сабраў больш за 350 спартсменаў з 42 краін. Чэмпіянат Еўропы стаў перадапошнім кваліфікацыйным стартам, на якіх фарміруецца сусветны рэйтынг для ўдзелу ў Алімпіядзе 2024 года ў Парыжы. Ліцэнзіі на Гульні атрымаюць штангісты, якія завершаць адборачны перыяд з рэзультатамі ў дзясятцы мацнейшых у сваёй вагавой катэгорыі.
Паводле даных Міжнароднай федэрацыі цяжкай атлетыкі, цяпер у топ-10 сусветных рэйтынгаў уваходзяць чацвёра беларусаў. У мужчын у вазе да 102 кг Яўген Ціханцоў займае пятае месца, у катэгорыі больш за 109 кг Эдуард Зязюлін пакуль сёмы, а ў вазе да 89 кг Пётр Асаёнак замыкае дзясятку. Сярод жанчын у катэгорыі да 71 кг Сюзанна Валадзько размяшчаецца дзявятай. Заключным турнірам кваліфікацыйнага цыкла стане Кубак свету, які пройдзе ў пачатку красавіка ў Тайландзе.-0-
За дзевяць дзён спаборніцтваў прадстаўнікі нашай каманды заваявалі чатыры медалі ў дваябор'і (1-1-2). Чэмпіёнам Еўропы ў вагавой катэгорыі да 102 кг у мужчын стаў Яўген Ціханцоў, серабро ў вазе да 71 кг у жанчын выйграла Сюзанна Валадзько, а на трэцюю прыступку п'едэстала ў мужчынскіх катэгорыях да 96 кг і больш за 109 кг падняліся Павел Хадасевіч і Эдуард Зязюлін адпаведна.
Акрамя таго, на рахунку беларусаў дзесяць малых узнагарод у асобных практыкаваннях (2-3-5), уладальнікамі золата ў штуршку сталі Ціханцоў і Валадзько. Таксама ў актыве Яўгена другое месца ў рыўку, а ў Сюзанны ў гэтым відзе праграмы бронза. Дзве малыя ўзнагароды атрымаў і Эдуард Зязюлін у вазе больш за 109 кг (серабро ў першым практыкаванні і бронза ў другім). Серабро ў рыўку нашай дэлегацыі прынесла Юлія Гуліна (да 55 кг). Малыя бронзавыя медалі атрымалі Пётр Асаёнак (да 89 кг, штуршок), Павел Хадасевіч (да 96 кг, рывок) і Юльян Курловіч (да 96 кг, штуршок).
Усяго кантынентальны форум у Балгарыі сабраў больш за 350 спартсменаў з 42 краін. Чэмпіянат Еўропы стаў перадапошнім кваліфікацыйным стартам, на якіх фарміруецца сусветны рэйтынг для ўдзелу ў Алімпіядзе 2024 года ў Парыжы. Ліцэнзіі на Гульні атрымаюць штангісты, якія завершаць адборачны перыяд з рэзультатамі ў дзясятцы мацнейшых у сваёй вагавой катэгорыі.
Паводле даных Міжнароднай федэрацыі цяжкай атлетыкі, цяпер у топ-10 сусветных рэйтынгаў уваходзяць чацвёра беларусаў. У мужчын у вазе да 102 кг Яўген Ціханцоў займае пятае месца, у катэгорыі больш за 109 кг Эдуард Зязюлін пакуль сёмы, а ў вазе да 89 кг Пётр Асаёнак замыкае дзясятку. Сярод жанчын у катэгорыі да 71 кг Сюзанна Валадзько размяшчаецца дзявятай. Заключным турнірам кваліфікацыйнага цыкла стане Кубак свету, які пройдзе ў пачатку красавіка ў Тайландзе.-0-
