9 студзеня, Мінск /Кар. БЕЛТА/. Новым галоўным трэнерам футбалістаў "Мінска" стаў Арцём Чалядзінскі, паведамляе карэспандэнт БЕЛТА.
Кантракт з 46-гадовым беларускім спецыялістам падпісаны на год. За час гульнявой кар'еры Арцём Чалядзінскі выступаў у мінскім "Дынама", наваполацкім "Нафтане", салігорскім "Шахцёры", жодзінскім "Тарпеда-БелАЗе" і сталічных "Крумкачах". Таксама гуляў у клубах Украіны, Казахстана і Расіі. Пасля заканчэння актыўнай кар'еры працаваў у трэнерскім штабе мінскага "Дынама", у 2021 годзе пад яго кіраўніцтвам дынамаўцы заваявалі бронзавыя ўзнагароды чэмпіянату Беларусі.
На пасадзе галоўнага трэнера ФК "Мінск" Чалядзінскі змяніў Сяргея Яромку, пад кіраўніцтвам якога мінчане занялі 9-е месца ў нацыянальным першынстве 2023 года.-0-
