ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Малавоблачна +26°C
Усе навіны
Усе навіны
Спорт
07 чэрвеня 2022, 10:17

Брэсцкі "Будаўнік" і "Мінск" выйшлі ў фінал чэмпіянату Беларусі па хакеі на траве

У час матчу ХК Мінск – СДЮШАР Брэстжылбуд. Фота СДЮШАР "Брэстжылбуд"
У час матчу ХК Мінск – СДЮШАР Брэстжылбуд. Фота СДЮШАР "Брэстжылбуд"

7 чэрвеня, Мінск /Кар. БЕЛТА/. На чэмпіянаце Беларусі па хакеі на траве сярод мужчынскіх каманд вызначыліся саіскальнікі залатых медалёў, паведамляе карэспандэнт БЕЛТА.

Васьміразовы чэмпіён краіны ХК "Мінск" двойчы разграміў у паўфінале СДЮШАР "Брэстжылбуд" - 14:0 і 8:0. У другой паўфінальнай серыі брэсцкі "Будаўнік" не зведаў праблем у матчах з камандай "Гроднааблспорт" - 17:1 і 5:0. З 1996 па 2013 год чэмпіёнам Беларусі станавіўся "Будаўнік", а з 2014-га золата нязменна выйграе толькі ХК "Мінск".

У першых паўфінальных паядынках спаборніцтваў жаночых каманд гродзенскі "Рытм" перайграў баранавіцкі "Тэкстыльшчык-БарДУ" з сухім лікам 4:0. У другой сустрэчы барацьба была куды больш напружанай. Асноўны час гульні паміж хакеістамі "Мінска" і дзеючым чэмпіёнам краіны "Вікторыяй" са Смалявіч завяршылася ўнічыю - 1:1, а ў серыі пасляматчавых булітаў поспеху дабіліся спартсменкі са сталічнай вобласці - 3:0. Другія паядынкі паўфінальных серый да дзвюх перамог адбудуцца заўтра ў Баранавічах і Смалявічах. Калі спатрэбяцца трэція паядынкі за выхад у фінал, то яны пройдуць 10 чэрвеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі