19 жніўня, Мінск /Кар. БЕЛТА/. Футбалісты брэсцкага "Дынама" выйшлі ў другі кваліфікацыйны раўнд Лігі чэмпіёнаў, паведамляе карэспандэнт БЕЛТА.
У матчы першага круга кваліфікацыі чэмпіёны Беларусі разграмілі на сваім полі казахстанскую "Астану" з Нур-Султана з лікам 6:3.
У складзе брастаўчан па галявым дублі аформілі Міхаіл Гардзяйчук і Абдулай Дыало, яшчэ па голе забілі Кірыл Пячэнін і Павел Сядзько.
У паядынку за выхад у трэці кваліфікацыйны раўнд брэсцкія дынамаўцы сустрэнуцца з пераможцам сённяшняга матчу "Конас Куэй" (Уэльс) - "Сараева" (Боснія і Герцагавіна).
Рэзультаты іншых сустрэч кваліфікацыі ЛЧ: "Карабах" (Азербайджан) - "Сілекс" (Паўночная Македонія) - 4:0, "Легія" (Польшча) - "Лінфілд" (Паўночная Ірландыя) - 1:0, "Селтык" (Шатландыя) - "Рэйк'явік" (Ісландыя) - 6:0, "Црвена Зорка" (Сербія) - "Еўропа" (Гібралтар) - 5:0.
Астатнія матчы за выхад у другі кваліфікацыйны раўнд адбудуцца сёння вечарам.-0-
