Сцяг Чацвер, 28 сакавіка 2024
Усе навіны
Усе навіны
Спорт
25 кастрычніка 2022, 09:23

Больш за 150 акрабатаў з Беларусі і Расіі паспаборнічаюць на турніры ў Брэсце

25 кастрычніка, Брэст /Кар. БЕЛТА/. У Брэсце стартуюць адкрыты рэспубліканскі турнір памяці заслужанага трэнера Уладзіміра Коркіна і Кубак Беларусі па спартыўнай акрабатыцы. Аб гэтым карэспандэнту БЕЛТА паведаміла галоўны спецыяліст упраўлення спорту і турызму Брэсцкага аблвыканкама Дзіна Кармалыс.

Спаборніцтвы пройдуць на спартыўнай базе Брэсцкай СДЮШАР прафсаюзаў па акрабатыцы і бадмінтоне. Удзельнікамі турніру стануць больш за 150 акрабатаў з розных рэгіёнаў Беларусі, а таксама з Расіі - Маскоўскай вобласці, Кірава, Краснадара, Екацярынбурга, Санкт-Пецярбурга. Спартсменам трэба будзе выканаць тры віды практыкаванняў: балансавае, вальтыжнае і камбінаванае.

Спартыўная акрабатыка - камандны від спорту. За медалі ў дзвюх узроставых катэгорыях пазмагаюцца жаночыя, мужчынскія і змешаныя пары, жаночыя тройкі і мужчынскія чацвёркі. Перамогу атрымаюць каманды, якія змогуць набраць больш за ўсё ачкоў па суме ўсіх практыкаванняў.

Міжнародны турнір па спартыўнай акрабатыцы пройдзе ўжо 23-і раз. Ён прысвечаны памяці заслужанага трэнера СССР Уладзіміра Коркіна, які стаяў ля вытокаў зараджэння парна-групавой акрабатыкі ў Брэсце.

"Два гады мы не праводзілі турнір у сувязі з пандэміяй. Цяпер жа з-за санкцый выезды на сусветныя старты адменены. Тым важней не страціць узровень майстэрства і захаваць прэстыж нашага турніру. Ён заўсёды быў дружалюбным, да нас прыязджалі ўдзельнікі з многіх краін. Цяпер заяўлены дзве краіны, у тым ліку будуць выступаць прадстаўнікі нацыянальных каманд Беларусі і Расіі", - расказала старшы трэнер зборнай Брэсцкай вобласці і па сумяшчальніцтве галоўны суддзя спаборніцтваў Ірына Глушко.

Спаборніцтвы ў Брэсце завершацца 27 кастрычніка.-0-

Падпісвайцеся на нас у
Twitter
Топ-навіны
Свежыя навіны Беларусі