ДЗЯРЖОРГАНЫДЗЯРЖОРГАНЫ
Флаг Чацвер, 30 сакавіка 2023
Мінск Суцэльная воблачнасць +1°C
Усе навіны
Усе навіны
Спорт
13 снежня 2022, 10:16

БК "МІНСК" згуляе супраць "Пармы-Пары" ў Адзінай лізе ВТБ

БК "МІНСК" супраць "Пармы-Пары". Фота з архіва
БК "МІНСК" супраць "Пармы-Пары". Фота з архіва

13 снежня, Мінск /Кар. БЕЛТА/. Баскетбалісты "МІНСКА" правядуць 13 снежня чарговы матч рэгулярнага чэмпіянату Адзінай лігі ВТБ, паведамляе карэспандэнт БЕЛТА.

У сваім 15-м паядынку мінчане сустрэнуцца ў Пермі з мясцовым клубам "Парма-Пары" (пачатак гульні ў 18.00; прамая трансляцыя на тэлеканале "Беларусь 5"). У першым крузе спаборніцтваў падапечныя Расціслава Вергуна прайгралі пермскай камандзе ў Мінску з лікам 48:77 і сёння паспрабуюць узяць рэванш. Баскетбалісты "Пармы-Пары" пацярпелі паражэнні ў чатырох папярэдніх матчах запар і цяпер займаюць 9-е месца, маючы 5 перамог у 15 праведзеных сустрэчах. БК "МІНСК" разам з "Астаной" замыкае турнірную табліцу - абодва аўтсайдары атрымалі ўсяго па адной вікторыі. Сёння казахстанскі клуб прыме на сваёй пляцоўцы гасцей з саратаўскага "Аўтадора". Лідар "банкаўскага" турніру маскоўскі ЦСКА згуляе ў сябе дома з баскетбалістамі "Самары".

Раней галоўны праследавацель армейскай дружыны казанскі УНІКС ва ўпартай барацьбе перамог на сваёй арэне дзеючага чэмпіёна піцерскі "Зеніт" з мінімальнай перавагай у ліку - 95:94. У Маскве баскетбалісты МБА былі мацнейшыя за краснадарскі "Лакаматыў-Кубань" - 89:76.

Цяпер у ЦСКА 15 перамог у 15 згуляных матчах, на адзін выйгрыш менш у УНІКСА, які правёў 16 паядынкаў, у актыве "Зеніта" 12 вікторый, 11 перамог мае МБА.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі