Сцяг Чацвер, 25 красавіка 2024
Усе навіны
Усе навіны
Спорт
24 кастрычніка 2022, 12:50

БК "МІНСК" прыме краснаярскі "Енісей" у матчы Адзінай лігі ВТБ

24 кастрычніка, Мінск /Кар. БЕЛТА/. Баскетбалісты "МІНСКА" правядуць сёння пяты паядынак новага сезона Адзінай лігі ВТБ, паведамляе карэспандэнт БЕЛТА.

Пасля чатырох паражэнняў запар падапечныя Расціслава Вергуна на паркеце мінскага Falcon Club паспрабуюць абыграць краснаярскі "Енісей", які таксама не мае ў сваім актыве ні адной вікторыі. Да гэтага мінчане прайгралі ў сябе дома пермскаму клубу "Парма-Пары" (48:77), потым пацярпелі два паражэнні ў Маскве - ад аднаго з галоўных фаварытаў "банкаўскага" турніру ЦСКА (63:107) і дэбютанта гэтых спаборніцтваў МБА (62:81), а затым зноў на сваёй арэне ўступілі саратаўскаму "Аўтадару" (72:97).

Таксама сёння "Парма-Пары" прыме гасцей з МБА, а баскетбалісты "Самары" згуляюць у сябе дома з дзеючым чэмпіёнам "Зенітам" з Санкт-Пецярбурга.

Турнірную табліцу цяпер узначальваюць казанскі УНІКС і ЦСКА, якія атрымалі перамогі ва ўсіх пяці праведзеных паядынках.-0-

Падпісвайцеся на нас у
Twitter
Топ-навіны
Свежыя навіны Беларусі