ДЗЯРЖОРГАНЫДЗЯРЖОРГАНЫ
Флаг Чацвер, 20 студзеня 2022
Мінск -4°C
Усе навіны
Усе навіны
Спорт
08 чэрвеня 2018, 13:19

Бягуха Аліна Талай заняла другое месца на этапе "Брыльянтавай лігі" ў Осла

Аліна Талай. Фота з архіва БФЛА
Аліна Талай. Фота з архіва БФЛА

8 чэрвеня, Мінск /Кар. БЕЛТА/. Аліна Талай заняла другое месца ў бегу на 100 м з бар'ерамі на пятым этапе "Брыльянтавай лігі" ў нарвежскім Осла, паведамляе карэспандэнт БЕЛТА.

Беларуска справілася ў спрынце з бар'ерамі і паказала рэзультат 12,63 сек. Лепш за Аліну Талай забег правяла Даніэль Уільямс з Ямайкі, якая паказала свой лепшы час у сезоне - 12,60 сек. Бронзавым прызёрам стала Куін Харысан з ЗША - 12,71.

"Каленам закранула два бар'еры і крыху страціла ў скорасці, заняўшы другое месца, хоць, улічваючы добрую форму, разлічвала на перамогу. Пастараюся паспяхова выступіць у Стакгольме, дзе пройдзе наступны этап турніру", - адзначыла Аліна Талай.

У сектары для скачкоў у вышыню не змог падняцца на п'едэстал гонару этапу "Брыльянтавай лігі" беларус Дзмітрый Набокаў, які справіўся са стартавымі 2 м 20 см, але не пераадолеў планку на вышыні 2 м 25 см і заняў шостае месца. Перамог у гэтым відзе Мутаз Эса Баршым з Катара - 2 м 36 см.

Шосты этап "Брыльянтавай лігі" пройдзе 10 чэрвеня ў Стакгольме.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі