14 сакавіка, Мінск /Кар. БЕЛТА/. Біятланісты Ганна Сола і Уладзімір Чапелін выступяць сёння ад беларускай каманды ў змешанай адзіночнай эстафеце (сінгл-мікст) на чэмпіянаце свету ў Эстэрсундзе (Швецыя), паведамляе карэспандэнт БЕЛТА.
Беларускі дуэт атрымаў 15-ы стартавы нумар. Уладзімір Чапелін напярэдадні заняў 15-е месца ў індывідуальнай гонцы і знаходзіцца ў нядрэннай форме. Біятланіст таксама выступаў у сінгл-міксце, але толькі ў пары з Аленай Кручынкінай, на дамашнім чэмпіянаце Еўропы ў лютым, дзе беларусы ў гэтым відзе занялі дзясятае месца.
Старт адзіночнай змешанай эстафеты будзе дадзены ў 19.10. Фаварытамі маючага адбыцца забегу з'яўляюцца нямецкія біятланісты Дэніза Херман і Эрык Лесер, нарвежцы Мартэ Олсбю Ройзеланд і Ёханес Бё, а таксама гаспадары сусветнага форуму біятланістаў Ханна Эберг і Себасцьян Самуэльсан.
У медальным заліку лідзіруе зборная Нарвегіі, у актыве якой дзве залатыя, тры сярэбраныя і адна бронзавая ўзнагароды. Чэмпіянат свету па біятлоне прадоўжыцца да 17 сакавіка.-0-
