Мабільная версія
ДЗЯРЖОРГАНЫ

Апошнія навіны
Усе навіны

БГК імя Мяшкова перамог "Заграб" у дамашнім матчы

Спорт 20.11.2019 | 10:40

20 лістапада, Мінск /Кар. БЕЛТА/. Брэсцкі гандбольны клуб імя Мяшкова перамог харвацкі "Заграб" з лікам 33:29 у дамашнім матчы SEHA-лігі, паведамляе карэспандэнт БЕЛТА.

У першым тайме паядынку, які праходзіў у брэсцкім спарткомплексе "Вікторыя", гаспадары мелі невялікую перавагу і пайшлі на перапынак з мінімальнай перавагай у ліку - 16:15. У другім тайме брастаўчане згулялі больш упэўнена і ў выніку выйгралі з перавагай чатыры мячы - 33:29.

Турнірнае становішча ў групе В SEHA-лігі цяпер такое: "Веспрэм" (Венгрыя) - 15 ачкоў (6 матчаў), БГК імя Мяшкова - 12 (7), "Заграб" - 9 (5), "Еўрафарм Работнік" (Паўночная Македонія ) - 9 (6), "Металапластыка" (Сербія) - 6 (6), "Спартак" (Расія) - 3 (6).

Свой наступны матч гэтага турніру чэмпіёны Беларусі правядуць 2 снежня ў гасцях у маскоўскага "Спартака".

Да гэтага, 23 лістапада, брастаўчане ў 9-м туры групы В Лігі чэмпіёнаў прымуць на сваёй арэне паўночнамакедонскі "Вардар". Турнірнае становішча пасля 8 тураў: "Кіль" (Германія) - 13 ачкоў, "Манпелье" (Францыя) - 11, "Веспрэм" (Венгрыя) - 10, "Віве" (Польшча) - 10, "Вардар" - 9, "Порту" (Партугалія) - 8, БГК - 2, "Матор" (Украіна) - 1.

У плэй-оф чэмпіёнскай Лігі выйдуць па шэсць лепшых каманд з дзвюх папярэдніх груп, прычым каманды, якія фінішуюць першымі, адразу трапяць у чвэрцьфінал. Клубы, якія занялі 2-6-я месцы, а таксама дзве лепшыя дружыны з груп С і D правядуць сустрэчы 1/8 фіналу.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.