6 сакавіка, Мінск /Кар. БЕЛТА/. Брэсцкі гандбольны клуб імя Мяшкова атрымаў сёмую перамогу запар у SEHA-лізе, паведамляе карэспандэнт БЕЛТА.
Брастаўчане 5 сакавіка ў матчы 16-га тура гулялі ў Скоп'і з лідарам турніру "Вардарам" і здолелі перамагчы грознага саперніка з лікам 32:30 (17:16). Госці лідзіравалі на працягу большай часткі сустрэчы, дазволіўшы саперніку выйсці наперад толькі ў сярэдзіне другога тайма. Аднак у канцоўцы брэсцкія гандбалісты зноў завалодалі ініцыятывай і давялі матч да перамогі.
Пасля 16 праведзеных сустрэч чэмпіёны Беларусі знаходзяцца на 4-м месцы ў турнірнай табліцы, набраўшы 33 ачкі. Наперадзе брастаўчан "Вардар", у якога 39 ачкоў (16 гульняў), а таксама харвацкія "Нексе" і "Заграб", якія набралі па 36 ачкоў у 15 сустрэчах. За перамогу ў матчах SEHA-лігі даецца 3 ачкі, за нічыю - 1, за паражэнне - 0.
Свой наступны паядынак БГК імя Мяшкова правядзе 9 сакавіка на сваёй арэне супраць "Заграба", а 13 сакавіка завершыць першую частку турніру ў гасцях у "Нексе".
Па выніках рэгулярнага чэмпіянату барацьбу за ўзнагароды SEHA-лігі прадоўжаць чатыры лепшыя каманды.-0-
