Фота з архіва
4 лютага, Мінск /Кар. БЕЛТА/. Зборная Беларусі па міні-футболе правядзе другі матч адборачнага турніру чэмпіянату Еўропы 2026 года, паведамляе карэспандэнт БЕЛТА.
Сёння ў намінальна дамашняй сустрэчы беларусы ў італьянскім Ачырэале будуць сапернічаць з аўтсайдарам кваліфікацыйнай групы 2 - камандай Мальты (пачатак у 17.00; прамая трансляцыя на тэлеканале "Беларусь 5"). Гэты паядынак будуць судзіць грэчаскія арбітры - Антоніас Адамопулас, Панаётыс Далас, Ларыса Аўраміду. На старце цяперашняга адборачнага цыкла падапечныя Аляксандра Чэрніка згулялі ўнічыю з фаварытам гэтага квартэта зборнай Італіі - 2:2 (галы ў беларусаў забілі Уладзіслаў Сялюк і Сяргей Крыкун), а мальтыйцы пацярпелі буйное паражэнне, прайграўшы на сваёй пляцоўцы зборнай Фінляндыі з сухім лікам 0:5. У другім сённяшнім матчы фіны прымуць італьянцаў у горадзе Вантаа.
Расклад астатніх сустрэч нашай каманды ў кваліфікацыі ЧЕ-2026: Беларусь - Фінляндыя (6 сакавіка); Фінляндыя - Беларусь (9 сакавіка); Беларусь - Італія (11 красавіка); Мальта - Беларусь (16 красавіка).
Пасля завяршэння групавога этапу прамыя пуцёўкі ў фінальную стадыю кантынентальнага першынства атрымаюць пераможцы 10 квартэтаў. Яшчэ чатыры пропускі разыграюць восем лепшых каманд, якія фінішуюць другімі ў сваіх групах. Стыкавыя паядынкі адбудуцца ў верасні 2025 года. Фінальны этап 13-га чэмпіянату Еўропы па міні-футболе з удзелам 16 зборных пройдзе ў студзені - лютым 2026 года на арэнах Латвіі і Літвы, каманды якіх вызвалены ад кваліфікацыі.
Зборная Беларусі толькі аднойчы змагла прабіцца ў лік удзельнікаў фінальнай стадыі чэмпіянату Старога Свету. У 2010 годзе ў Венгрыі каманда Валерыя Дасько не змагла выйсці з групы, прапусціўшы наперад будучага чэмпіёна Іспанію і сярэбранага прызёра Партугалію.-0-
Сёння ў намінальна дамашняй сустрэчы беларусы ў італьянскім Ачырэале будуць сапернічаць з аўтсайдарам кваліфікацыйнай групы 2 - камандай Мальты (пачатак у 17.00; прамая трансляцыя на тэлеканале "Беларусь 5"). Гэты паядынак будуць судзіць грэчаскія арбітры - Антоніас Адамопулас, Панаётыс Далас, Ларыса Аўраміду. На старце цяперашняга адборачнага цыкла падапечныя Аляксандра Чэрніка згулялі ўнічыю з фаварытам гэтага квартэта зборнай Італіі - 2:2 (галы ў беларусаў забілі Уладзіслаў Сялюк і Сяргей Крыкун), а мальтыйцы пацярпелі буйное паражэнне, прайграўшы на сваёй пляцоўцы зборнай Фінляндыі з сухім лікам 0:5. У другім сённяшнім матчы фіны прымуць італьянцаў у горадзе Вантаа.
Расклад астатніх сустрэч нашай каманды ў кваліфікацыі ЧЕ-2026: Беларусь - Фінляндыя (6 сакавіка); Фінляндыя - Беларусь (9 сакавіка); Беларусь - Італія (11 красавіка); Мальта - Беларусь (16 красавіка).
Пасля завяршэння групавога этапу прамыя пуцёўкі ў фінальную стадыю кантынентальнага першынства атрымаюць пераможцы 10 квартэтаў. Яшчэ чатыры пропускі разыграюць восем лепшых каманд, якія фінішуюць другімі ў сваіх групах. Стыкавыя паядынкі адбудуцца ў верасні 2025 года. Фінальны этап 13-га чэмпіянату Еўропы па міні-футболе з удзелам 16 зборных пройдзе ў студзені - лютым 2026 года на арэнах Латвіі і Літвы, каманды якіх вызвалены ад кваліфікацыі.
Зборная Беларусі толькі аднойчы змагла прабіцца ў лік удзельнікаў фінальнай стадыі чэмпіянату Старога Свету. У 2010 годзе ў Венгрыі каманда Валерыя Дасько не змагла выйсці з групы, прапусціўшы наперад будучага чэмпіёна Іспанію і сярэбранага прызёра Партугалію.-0-
Падпісвайцеся на нас у
