11 красавіка, Мінск /Кар. БЕЛТА/. Зборная Беларусі па міні-футболе правядзе перадапошні паядынак адборачнага турніру чэмпіянату Еўропы, паведамляе карэспандэнт БЕЛТА.
У матчы пятага тура кваліфікацыйнай групы 2 беларусы ў мальтыйскім горадзе Гзіра сустрэнуцца са сваім канкурэнтам у барацьбе за першае месца камандай Італіі (пачатак гульні ў 21.00; прамая трансляцыя на тэлеканале "Беларусь 5"). Сустрэчу двух фаварытаў рассудзіць брыгада іспанскіх арбітраў, якую ўзначаліць Хуан Галарда. Пераможца гульні гарантуе сабе выхад у фінальную стадыю еўрапейскага першынства. У матчы першага круга сапернікі сустракаліся ў Італіі і пераможцу не выявілі - 2:2. Акрамя таго, каманда Аляксандра Чэрніка двойчы перайграла фінаў - 3:0 і 3:1, а таксама разграміла мальтыйцаў з лікам 5:0. Учора зборная Фінляндыі ў Вантаа не пакінула шанцаў на поспех камандзе Мальты - 7:0.
Становішча каманд: Беларусь - 10 ачкоў (4 матчы), Італія - 10 (4), Фінляндыя - 6 (5), Мальта - 0 (5). У апошнім туры 16 красавіка беларусы згуляюць з мальтыйцамі, а італьянцы будуць сапернічаць з фінамі.
Пасля заканчэння групавога этапу прамыя пуцёўкі ў фінальную стадыю ЧЕ атрымаюць пераможцы дзесяці квартэтаў. Яшчэ чатыры пропускі разыграюць восем лепшых каманд, якія фінішуюць другімі ў сваіх групах. Стыкавыя паядынкі адбудуцца ў верасні 2025 года. Фінальны этап 13-га чэмпіянату Еўропы па міні-футболе з удзелам 16 зборных пройдзе ў студзені-лютым 2026 года на арэнах Латвіі і Літвы, каманды якіх вызвалены ад кваліфікацыі.-0-
У матчы пятага тура кваліфікацыйнай групы 2 беларусы ў мальтыйскім горадзе Гзіра сустрэнуцца са сваім канкурэнтам у барацьбе за першае месца камандай Італіі (пачатак гульні ў 21.00; прамая трансляцыя на тэлеканале "Беларусь 5"). Сустрэчу двух фаварытаў рассудзіць брыгада іспанскіх арбітраў, якую ўзначаліць Хуан Галарда. Пераможца гульні гарантуе сабе выхад у фінальную стадыю еўрапейскага першынства. У матчы першага круга сапернікі сустракаліся ў Італіі і пераможцу не выявілі - 2:2. Акрамя таго, каманда Аляксандра Чэрніка двойчы перайграла фінаў - 3:0 і 3:1, а таксама разграміла мальтыйцаў з лікам 5:0. Учора зборная Фінляндыі ў Вантаа не пакінула шанцаў на поспех камандзе Мальты - 7:0.
Становішча каманд: Беларусь - 10 ачкоў (4 матчы), Італія - 10 (4), Фінляндыя - 6 (5), Мальта - 0 (5). У апошнім туры 16 красавіка беларусы згуляюць з мальтыйцамі, а італьянцы будуць сапернічаць з фінамі.
Пасля заканчэння групавога этапу прамыя пуцёўкі ў фінальную стадыю ЧЕ атрымаюць пераможцы дзесяці квартэтаў. Яшчэ чатыры пропускі разыграюць восем лепшых каманд, якія фінішуюць другімі ў сваіх групах. Стыкавыя паядынкі адбудуцца ў верасні 2025 года. Фінальны этап 13-га чэмпіянату Еўропы па міні-футболе з удзелам 16 зборных пройдзе ў студзені-лютым 2026 года на арэнах Латвіі і Літвы, каманды якіх вызвалены ад кваліфікацыі.-0-
Падпісвайцеся на нас у
