Сяргей Парфёнаў
21 лютага, Мінск /Кар. БЕЛТА/. Юныя беларускія спартсмены заваявалі першыя ўзнагароды на І Зімовых міжнародных спартыўных гульнях "Дзеці Прымор’я", паведамілі БЕЛТА ў прэс-службе НАК Беларусі.
Сёння ва Уладзівастоку лыжнікі вызначалі мацнейшых у гонках з раздзельнага старту свабодным стылем. Сярод дзяўчат дыстанцыю пяць кіламетраў хутчэй за ўсіх пераадолела наша Аляксандра Парфёнава (11:34,30 сек), стаўшы тым самым першай беларускай чэмпіёнкай гульняў. Яе сяброўка па камандзе Лізавета Пугачова заваявала бронзу, яшчэ адна беларуска Людміла Тарубарава паказала чацвёрты рэзультат. У юнакоў на дыстанцыі 7,5 км бронзавым прызёрам стаў наш Сяргей Парфёнаў (16:30,20 сек).
Не прымусіў сябе чакаць і першы медаль спаборніцтваў па шорт-трэку, якія прымае Усурыйск. На дыстанцыі 500 метраў у дзяўчат бронзу выйграла наша Сафія Спорыш, яе суайчынніца Варвара Курыло перасекла фінішную лінію чацвёртай. Золата і серабро ў гэтым відзе праграмы дасталася кітайскім спартсменкам.
I Зімовыя міжнародныя спартыўныя гульні "Дзеці Прымор'я" сабралі больш за тысячу юнакоў і дзяўчат з Прыморскага края і Далёкаўсходняй федэральнай акругі РФ, а таксама Беларусі, Кітая, КНДР і Узбекістана. Нашу каманду прадстаўляюць 28 юных спартсменаў. У праграму спаборніцтваў, якія прадоўжацца па 23 лютага, увайшлі лыжныя гонкі, снаўбордынг, гарналыжны спорт, кёрлінг, фігурнае катанне, шорт-трэк, хакей і фіджытал-хакей.-0-
Сёння ва Уладзівастоку лыжнікі вызначалі мацнейшых у гонках з раздзельнага старту свабодным стылем. Сярод дзяўчат дыстанцыю пяць кіламетраў хутчэй за ўсіх пераадолела наша Аляксандра Парфёнава (11:34,30 сек), стаўшы тым самым першай беларускай чэмпіёнкай гульняў. Яе сяброўка па камандзе Лізавета Пугачова заваявала бронзу, яшчэ адна беларуска Людміла Тарубарава паказала чацвёрты рэзультат. У юнакоў на дыстанцыі 7,5 км бронзавым прызёрам стаў наш Сяргей Парфёнаў (16:30,20 сек).
Не прымусіў сябе чакаць і першы медаль спаборніцтваў па шорт-трэку, якія прымае Усурыйск. На дыстанцыі 500 метраў у дзяўчат бронзу выйграла наша Сафія Спорыш, яе суайчынніца Варвара Курыло перасекла фінішную лінію чацвёртай. Золата і серабро ў гэтым відзе праграмы дасталася кітайскім спартсменкам.
I Зімовыя міжнародныя спартыўныя гульні "Дзеці Прымор'я" сабралі больш за тысячу юнакоў і дзяўчат з Прыморскага края і Далёкаўсходняй федэральнай акругі РФ, а таксама Беларусі, Кітая, КНДР і Узбекістана. Нашу каманду прадстаўляюць 28 юных спартсменаў. У праграму спаборніцтваў, якія прадоўжацца па 23 лютага, увайшлі лыжныя гонкі, снаўбордынг, гарналыжны спорт, кёрлінг, фігурнае катанне, шорт-трэк, хакей і фіджытал-хакей.-0-
