Фота з архіва
13 верасня, Мінск /Кар. БЕЛТА/. Зборная Беларусі па пляжным футболе стала першым паўфіналістам Суперфіналу Еўралігі, які праходзіць у італьянскім Альгера, паведамляе карэспандэнт БЕЛТА.
Сёння ў стартавым паядынку плэй-оф беларусы павінны былі згуляць з эстонцамі, але матч не адбыўся. Беларуская каманда выйшла на пляцоўку, правяла перадгульнявую размінку, але эстонцы не выйшлі на гульню. Эстонцам будзе залічана тэхнічнае паражэнне. Галоўны трэнер зборнай Беларусі іспанскі спецыяліст Нікалас Альварада падкрэсліў, што яго падапечныя сур'ёзна рыхтаваліся да сённяшняга паядынку, але насуперак спартыўным прынцыпам эстонскай камандзе не далі згуляць. Намеснік старшыні федэрацыі пляжнага футбола Беларусі Аляксандр Баранаў паведаміў, што раніцай была праведзена рабочая сустрэча з кіраўніцтвам Міжнароднай федэрацыі пляжнага футбола. "У іх былі перагаворы з прадстаўнікамі эстонскага боку. На жаль, эстонская каманда не дала згоды на ўдзел у 1/4 фіналу з намі. Сітуацыя для пляжнага футбола далёка не стандартная. Шчыра кажучы, крыўдна за моцную каманду Эстоніі, якая правяла нядрэнныя матчы і цяпер так лёгка аддала сваю пуцёўку ў паўфінал", - сказаў Баранаў у эфіры тэлеканала "Беларусь 5".
На першым этапе цяперашняга турніру беларуская зборная заняла першае месца ў папярэдняй групе В, перамогшы каманды Швейцарыі (9:6), Малдовы (8:0) і Францыі (6:3). Заўтра ў паядынку за выхад у фінал падапечныя Нікаласа Альварада сустрэнуцца з пераможцам матчу паміж партугальцамі і швейцарцамі.
Яшчэ ў двух сённяшніх чвэрцьфіналах дзеючы чэмпіён кантынента зборная Італіі згуляе з чэхамі, а іспанцы будуць сапернічаць з палякамі. Паўфіналы пройдуць заўтра, вырашальны паядынак і сустрэча за бронзавыя медалі адбудуцца 15 верасня.
У мінулым сезоне пераможцамі трэці раз у гісторыі сталі італьянцы, якія выйгралі ў фінале ў іспанцаў (5:4), беларусы заваявалі бронзавыя ўзнагароды, перамогшы партугальцаў (6:5). У 2021 годзе беларуская зборная заваявала сярэбраныя медалі Еўралігі. Больш за ўсё тытулаў у Партугаліі, якія 8 разоў станавіліся чэмпіёнамі, па 5 разоў турнір выйгравалі каманды Іспаніі і Расіі.-0-
Сёння ў стартавым паядынку плэй-оф беларусы павінны былі згуляць з эстонцамі, але матч не адбыўся. Беларуская каманда выйшла на пляцоўку, правяла перадгульнявую размінку, але эстонцы не выйшлі на гульню. Эстонцам будзе залічана тэхнічнае паражэнне. Галоўны трэнер зборнай Беларусі іспанскі спецыяліст Нікалас Альварада падкрэсліў, што яго падапечныя сур'ёзна рыхтаваліся да сённяшняга паядынку, але насуперак спартыўным прынцыпам эстонскай камандзе не далі згуляць. Намеснік старшыні федэрацыі пляжнага футбола Беларусі Аляксандр Баранаў паведаміў, што раніцай была праведзена рабочая сустрэча з кіраўніцтвам Міжнароднай федэрацыі пляжнага футбола. "У іх былі перагаворы з прадстаўнікамі эстонскага боку. На жаль, эстонская каманда не дала згоды на ўдзел у 1/4 фіналу з намі. Сітуацыя для пляжнага футбола далёка не стандартная. Шчыра кажучы, крыўдна за моцную каманду Эстоніі, якая правяла нядрэнныя матчы і цяпер так лёгка аддала сваю пуцёўку ў паўфінал", - сказаў Баранаў у эфіры тэлеканала "Беларусь 5".
На першым этапе цяперашняга турніру беларуская зборная заняла першае месца ў папярэдняй групе В, перамогшы каманды Швейцарыі (9:6), Малдовы (8:0) і Францыі (6:3). Заўтра ў паядынку за выхад у фінал падапечныя Нікаласа Альварада сустрэнуцца з пераможцам матчу паміж партугальцамі і швейцарцамі.
Яшчэ ў двух сённяшніх чвэрцьфіналах дзеючы чэмпіён кантынента зборная Італіі згуляе з чэхамі, а іспанцы будуць сапернічаць з палякамі. Паўфіналы пройдуць заўтра, вырашальны паядынак і сустрэча за бронзавыя медалі адбудуцца 15 верасня.
У мінулым сезоне пераможцамі трэці раз у гісторыі сталі італьянцы, якія выйгралі ў фінале ў іспанцаў (5:4), беларусы заваявалі бронзавыя ўзнагароды, перамогшы партугальцаў (6:5). У 2021 годзе беларуская зборная заваявала сярэбраныя медалі Еўралігі. Больш за ўсё тытулаў у Партугаліі, якія 8 разоў станавіліся чэмпіёнамі, па 5 разоў турнір выйгравалі каманды Іспаніі і Расіі.-0-
Падпісвайцеся на нас у
