30 чэрвеня, Мінск /Кар. БЕЛТА/. Беларусы заваявалі бронзавы медаль на этапе Кубка свету ў горадзе Осіек (Харватыя), паведамілі БЕЛТА ў прэс-службе НАК Беларусі.
У камандным міксце ў стральбе з малакалібернай вінтоўкі на 50 м з трох палажэнняў беларускі дуэт Юрый Шчарбацэвіч/Марыя Мартынава занялі трэцяе месца. Па выніках кваліфікацыі наш дуэт набраў 582 ачкі і атрымаў права пазмагацца за бронзавую ўзнагароду з сапернікамі з Венгрыі Эстэр Мезараш і Іштванам Пені. Юрый Шчарбацэвіч і Марыя Мартынава больш упэўнена правялі стральбу і сталі ўладальнікамі бронзавай узнагароды.
Перамаглі на Кубку свету ў міксце ў стральбе з малакалібернай вінтоўкі на 50 м з трох палажэнняў Наталля Качанска і Мацей Кавалевіч з Польшчы, якія ў фінале былі мацнейшыя за харвацкіх стралкоў Сняжаны Пеіч і Петара Горсы.
Юрый Шчарбацэвіч і Марыя Мартынава пасля завяршэння этапу Кубка свету прадоўжаць падрыхтоўку да Гульняў у Токіа.-0-
