19 верасня, Мінск /Кар. БЕЛТА/. Зборная Беларусі па пляжным футболе з перамогі стартавала ў суперфінале Еўралігі ў італьянскім Альгера, паведамляе карэспандэнт БЕЛТА.
У першым паядынку папярэдняй групы А падапечныя Нікаласа Альварада разграмілі каманду Малдовы з лікам 9:1. Заўтра беларусы сустрэнуцца з грэкамі, якія сёння згуляюць з гаспадарамі турніру італьянцамі, а 21 верасня завершаць першы этап гульнёй з Італіяй.
У стартавай сустрэчы квартэта В каманда Азербайджана адолела зборную Турцыі ў серыі пасляматчавых пенальці - 3:1 (гульнявы час - 5:5). Пазней швейцарцы сустрэнуцца з румынамі. У групе D зборная Іспаніі згуляе з Германіяй. Тут таксама выступіць каманда Польшчы.
Пасля завяршэння першага этапу барацьбу за ўзнагароды прадоўжаць па дзве лепшыя каманды з кожнай групы.
У 2021 годзе беларусы ўпершыню ў гісторыі заваявалі сярэбраныя медалі Еўралігі, у мінулым сезоне яны не гулялі, а пераможцамі сталі швейцарцы.-0-
