5 кастрычніка, Мінск /Кар. БЕЛТА/. Мужчынская зборная Беларусі перамагла ў дзясятым туры сапернікаў з Таджыкістана на Сусветнай шахматнай алімпіядзе ў Батумі, паведамляе карэспандэнт БЕЛТА.
Аляксей Фёдараў і Уладзіслаў Кавалёў выйгралі свае матчы, а Сяргей Жыгалка і Кірыл Ступак завяршылі паядынкі ўнічыю, што дазволіла беларусам дабіцца поспеху - 3:1. У 11-м туры наша каманда сустрэнецца з шахматыстамі Чылі.
Жаночая зборная Беларусі ў складзе Вольгі Бадзелька, Ланіты Сцяцко, Наталлі Кусянковай і Яны Ільючык разышліся мірам з камандай Славеніі - 2:2. Усе чатыры матчы завяршыліся ўнічыю. Наступную сустрэчу беларускі правядуць супраць саперніц з Ізраіля.
Сусветная шахматная Алімпіяда ў Батумі завершыцца 6 кастрычніка, наступная адбудзецца ў 2020 годзе ў Ханты-Мансійску. У 2022-м лепшыя шахматныя каманды свету прыме Беларусь. Наша краіна атрымала гэта права 4 кастрычніка ў час Генеральнай асамблеі ФІДЭ.-0-
Фота openchess.by