4 кастрычніка, Мінск /Кар. БЕЛТА/. У восьмы дзень чэмпіянату свету па лёгкай атлетыцы ў Досе беларускія спартсмены будуць прадстаўлены ў двух відах спаборніцкай праграмы, паведамляе карэспандэнт БЕЛТА.
У 20.15 адбудуцца фінальныя спробы лёгкаатлетаў, якія выступаюць у скачках у вышыню. Беларусь прадставіць Максім Недасекаў, уладальнік лепшага выніку сезона - 2 м 35 см. У кваліфікацыі ўраджэнец Віцебска пераадолеў вышыню 2 м 26 см і стаў пятым у сваёй падгрупе А.
У 23.30 пачнуць свой доўгі паход на п'едэстал 54 майстры спартыўнай хадзьбы. Ім трэба будзе пераадолець адлегласць 20 км. Паспрабуе трапіць у тройку мацнейшых беларус Аляксандр Ляховіч.
У медальным заліку беларусы пакуль без узнагарод. У тройцы лідараў зборныя ЗША (8 залатых - 8 сярэбраных - 2 бронзавыя ўзнагароды), Кітая (3-3-3) і Ямайкі (2-3-1).-0-
