29 верасня, Мінск /Кар. БЕЛТА/. У Омску прадаўжаюцца міжнародныя спаборніцтвы па веласпорце на трэку "Кубак садружнасці сярод Сібірскіх рэгіёнаў і Рэспублікі Беларусь", паведамляе карэспандэнт БЕЛТА.
У рамках Кубка садружнасці праходзіць "Гран-пры Омска", удзел у якім прымаюць каманды Беларусі, Казахстана, а таксама зборныя Санкт-Пецярбурга, Новасібірскай, Свярдлоўскай, Кемераўскай, Чалябінскай і Омскай абласцей Расіі.
Пасля двух дзён турніру ў актыве нашых веласіпедыстаў 10 медалёў. Па тры ўзнагароды спаборніцтваў сярод спартсменак не старэйшых за 18 гадоў заваявалі юніёркі Паліна Конрад (2 залатыя і 1 сярэбраная ўзнагарода), Аліна Кароткіна (1 залатая, 2 сярэбраныя) і Ксенія Шынкарэнка (3 бронзы). Кожная з беларусак вызначылася ў омніуме, скрэтчы і гонцы па ачках. Яшчэ адзін сярэбраны медаль па выніках мужчынскага стрэтчу выйграў наш Аляксей Шманцар.
У заключны дзень спаборніцтваў 29 верасня веласіпедысты разыграюць медалі ў каманднай гонцы праследавання, кейрыне і мэдысане.-0-
