Фота з архіва
5 чэрвеня, Мінск /Кар. БЕЛТА/. Беларускія спартсмены заваявалі тры залатыя медалі на Гран-пры Санкт-Пецярбурга па трэкавых велагонках, паведамляе карэспандэнт БЕЛТА.
У жаночай індывідуальнай гонцы на 3 км лепшай была Караліна Бірук, беларус Арцём Зайцаў разам з расійскімі гоншчыкамі Паўлам Якушэўскім і Аляксандрам Дубчанкам выйграў мужчынскі камандны спрынт, яшчэ адно золата ўзяла Паліна Конрад, якая першынствавала ў юніёрскай індывідуальнай гонцы. У актыве беларускіх трэкавікоў таксама 7 сярэбраных і 3 бронзавыя ўзнагароды.
Усяго ў спаборніцтвах на велатрэку прынялі ўдзел больш за 200 велагоншчыкаў з Беларусі і Расіі.-0-
