30 верасня, Мінск /Кар. БЕЛТА/. Юніёрская зборная Беларусі па валейболе атрымала першую перамогу ў Маладзёжнай лізе Расіі, паведамляе карэспандэнт БЕЛТА.
У чацвёртым матчы групавога этапу нашы юніёры былі мацнейшымі за каманду "Енісей-2" з Краснаярска. У першай партыі ўдача была на баку саперніка - 25:20, але тры наступныя сэты засталіся за беларусамі - 25:23, 25:23 і 25:22. Такім чынам, зборная Беларусі ўзяла рэванш у "Енісея-2" за "сухое" паражэнне на старце турніру. Таксама раней нашы хлопцы ўступілі маскоўскаму "Дынама-Алімпу" (0:3) і "Зеніту-2" з Санкт-Пецярбурга (1:3).
У Маладзёжнай валейбольнай лізе Расіі прымаюць удзел 16 калектываў, якія з'яўляюцца фарм-клубамі каманд расійскай Суперлігі. На першым этапе турніру ўсе клубы падзелены на чатыры групы, нашы хлопцы гуляюць свае матчы ў Маскве. Наступны паядынак юніёрская зборная Беларусі правядзе 30 верасня супраць мясцовага "Дынама-Алімпа".-0-
