Сцяг Пятніца, 29 сакавіка 2024
Усе навіны
Усе навіны
Спорт
13 ліпеня 2022, 11:50

Беларускія валейбалісты двойчы перамаглі азербайджанцаў у Мінску

13 ліпеня, Мінск /Кар. БЕЛТА/. Валейбалісты мужчынскай зборнай Беларусі атрымалі дзве перамогі над камандай Азербайджана ў таварыскіх матчах у Мінску, паведамляе карэспандэнт БЕЛТА.

У першым спарынгу на пляцоўцы сталічнай "Чыжоўка-Арэны" беларусы выйгралі з сухім лікам 4:0 (25:17, 25:19, 25:22, 25:21). Самым рэзультатыўным у складзе пераможцаў быў Арцём Масько, які набраў 11 ачкоў, на бал менш у актыве Максіма Троцкага. У другой гульні падапечныя Алега Мікановіча сустрэлі больш упартае супраціўленне з боку сапернікаў, але ў выніку таксама былі мацнейшыя - 3:1 (25:16, 25:19, 18:25, 25:23).

Трэцяя сустрэча беларускіх і азербайджанскіх валейбалістаў адбудзецца 15 ліпеня. Затым каманды адправяцца ў Баку, дзе правядуць яшчэ некалькі кантрольных гульняў. Пасля гэтага беларусы прымуць удзел у 17-м турніры памяці вядомага расійскага трэнера Вячаслава Платонава, які пройдзе ў Санкт-Пецярбургу з 27 па 31 ліпеня. На першым этапе ўдзельнікі спаборніцтваў будуць разбіты на дзве групы: А - "Шахцёр" (Салігорск), "Зеніт" (Санкт-Пецярбург), маладзёжная зборная Расіі; В - зборная Беларусі, "Дынама-ЛО" (Ленінградская вобласць), "Урал" (Уфа). Па дзве лепшыя каманды выйдуць у паўфінал і прадоўжаць барацьбу за ўзнагароды. Зборная Беларусі двойчы станавілася пераможцам гэтага турніру - у 2012 і 2021 гадах.-0-

Падпісвайцеся на нас у
Twitter
Топ-навіны
Свежыя навіны Беларусі