17 студзеня, Мінск /Кар. БЕЛТА/. У Бруселі 16 студзеня адбылася жараб'ёўка мужчынскага чэмпіянату Еўропы па валейболе, у якім прыме ўдзел і зборная Беларусі, паведамляе карэспандэнт БЕЛТА.
У фінальнай стадыі кантынентальнага форуму падапечныя галоўнага трэнера Віктара Бекшы згуляюць у групе С у Любляне (Славенія) з камандамі Расіі, Фінляндыі, Турцыі, Македоніі і Славеніі.
Склады астатніх груп чэмпіянату Еўропы 2019 года:
Група А (Манпелье, Францыя)
Францыя
Італія
Балгарыя
Партугалія
Грэцыя
Румынія;
Група В (Антверпен, Бельгія)
Бельгія
Сербія
Германія
Славакія
Іспанія
Аўстрыя;
Група D (Амстэрдам, Нідэрланды)
Нідэрланды
Польшча
Чэхія
Эстонія
Украіна
Чарнагорыя.
На стадыі кваліфікацыі турніру зборная Беларусі заняла першае месца ў групе Е, апярэдзіўшы сапернікаў з Іспаніі (чэмпіёны Еўропы 2007 года), Нарвегіі і Грузіі.
Мужчынская зборная Беларусі трэці раз у гісторыі выйшла ў фінальную стадыю чэмпіянату Еўропы. Раней нацыянальная каманда ўдзельнічала ў кантынентальным форуме ў 2013 і 2015 гадах. Чэмпіянат Еўропы пройдзе з 12 па 29 верасня ў чатырох краінах: Нідэрландах, Бельгіі, Славеніі і Францыі. 24 каманды пазмагаюцца за права згуляць у фінале, які пройдзе 29 верасня ў Францыі.-0-