ДЗЯРЖОРГАНЫДЗЯРЖОРГАНЫ
Флаг Аўторак, 30 мая 2023
Мінск +18°C
Усе навіны
Усе навіны
Спорт
15 сакавіка 2023, 17:16

Беларускія валейбалісты атрымалі першую перамогу на фінальным этапе Маладзёжнай лігі Расіі

Фота з архіва
Фота з архіва

15 сакавіка, Мінск /Кар. БЕЛТА/. У Санкт-Пецярбургу стартаваў міні-турнір за 7-12-я месцы Маладзёжнай валейбольнай лігі Расіі, у якім прымае ўдзел мужчынская юніёрская зборная Беларусі, паведамляе карэспандэнт БЕЛТА.

У "гладкім" чэмпіянаце МВЛ беларускія валейбалісты правялі 30 матчаў, у якіх атрымалі 11 перамог. Па выніках "рэгуляркі" наша зборная размясцілася на 11-й пазіцыі сярод 16 каманд сезона, стаўшы тым самым удзельнікам розыгрышу месцаў з 7-га па 12-е. У двух стартавых матчах суцяшальнага кругавога турніру, які праходзіць у Санкт-Пецярбургу, зборная Беларусі пацярпела паражэнне ад мясцовага "Зеніта" (1:3) і ад "Дынама-ЛО-2" з Сасновага Бору (0:3). Першая перамога прыйшла да нашых хлопцаў толькі ў трэцяй гульні - у аўторак беларусы ў трох партыях абыгралі краснаярскі "Енісей-2" (27:25, 25:19 і 25:15).

У рамках міні-турніру за 7-12-я месцы Маладзёжнай лігі Расіі нашай камандзе засталося правесці два паядынкі: 17 сакавіка беларускія валейбалісты сустрэнуцца з белгародскім "Белагор'ем - 2" (пачатак - у 10.00), а 18 сакавіка завершаць сезон матчам супраць "Зеніта-УОР" з Казані.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі