3 сакавіка, Мінск /Кар. БЕЛТА/. У Мінску стартаваў шосты этап расійскай Маладзёжнай валейбольнай лігі сярод дзяўчат, паведамляе карэспандэнт БЕЛТА.
Удзел у Маладзёжнай лізе Расіі прымаюць дубліруючыя склады каманд жаночай расійскай Суперлігі, дзе выступае беларуская "Мінчанка". Фарм-клубам "Мінчанкі" з'яўляецца юніёрская зборная Беларусі. У стартавым матчы шостага этапу МВЛ, які праходзіць на пляцоўцы рэспубліканскага дзяржаўнага вучылішча алімпійскага рэзерву, беларускі ўпэўнена абыгралі саратаўскі "Пратон" - 3:0 (25:14, 25:15, 25:16).
Пасля 19 гульняў сезона Маладзёжнай валейбольнай лігі нашы дзяўчаты з 33 ачкамі займаюць 7-е месца сярод 14 каманд турніру. У пятніцу жаночая юніёрская зборная Беларусі прыме аднаго з лідараў цяперашняга розыгрышу - казанскі клуб "Дынама-Ак Барс-УОР", які напярэдадні ў Мінску адолеў ніжагародскую "Спарту-2" з лікам 3:1. Паядынак беларусак і дзяўчат з Татарстана стартуе ў 17.00. 4 і 5 сакавіка нашу каманду чакаюць паўторныя матчы супраць "Пратона" і "Дынама-Ак Барс-УОР".-0-
