Сцяг Нядзеля, 21 красавіка 2024
Усе навіны
Усе навіны
Спорт
12 студзеня 2023, 15:15

Беларускія тэнісісты даведаліся, хто будзе іх сапернікамі на старце Australian Open

12 студзеня, Мінск /Кар. БЕЛТА/. У Мельбурне адбылася жараб'ёўка першага ў сезоне турніру серыі "Вялікага шлема" - адкрытага чэмпіянату Аўстраліі, у якім выступяць чатыры прадстаўнікі Беларусі, паведамляе карэспандэнт БЕЛТА.

У стартавым раўндзе жаночага адзіночнага разраду пятая ракетка планеты Арына Сабаленка сустрэнецца з чэшскай тэнісісткай Тэрэзай Марцінцавай (72-і нумар сусветнага рэйтынгу). Двухразовая пераможца Australian Open Вікторыя Азаранка (25) згуляе з прадстаўніцай ЗША Сафіяй Кенін (280), у якой таксама ёсць чэмпіёнскі тытул у Мельбурне. Аляксандра Сасновіч (38) будзе сапернічаць з адной з пераможцаў кваліфікацыі.

Сапернікам адзінага беларускага прадстаўніка ў мужчынскім адзіночным разрадзе Ільі Івашкі (72) будзе нідэрландскі тэнісіст Боцік ван дэ Зандсхюлп (34).

Матчы аўстралійскага першынства пройдуць на кортах "Мельбурн-парка" з 16 па 29 студзеня. У 2012 і 2013 гадах чэмпіёнкай сярод жанчын была Вікторыя Азаранка.-0-

Падпісвайцеся на нас у
Twitter
Топ-навіны
Свежыя навіны Беларусі