13 студзеня, Мінск /Кар. БЕЛТА/. Беларуска Арына Сабаленка апусцілася на адну пазіцыю ў абноўленым рэйтынгу Жаночай тэніснай асацыяцыі (WTA), паведамляе карэспандэнт БЕЛТА.
Тыдзень таму Арына Сабаленка займала 11-е месца, але пасля няўдалага выступлення на турніры ў кітайскім Шэньчжэні, дзе не змагла абараніць чэмпіёнскі тытул, перамясцілася на 12-ы радок, маючы 2940 балаў. На гэтым тыдні лепшая на сённяшні дзень беларуская тэнісістка згуляе на турніры ў аўстралійскай Адэлаідзе, дзе ў 1/16 фіналу яе саперніцай будзе прадстаўніца кітайскага Тайбэя Се Шувэй (36-ы нумар сусветнага рэйтынгу).
Экс-першая ракетка планеты Вікторыя Азаранка таксама страціла адну пазіцыю, займаючы 50-е месца са 1115 баламі. Аляксандра Сасновіч страціла адразу 50 пазіцый, апусціўшыся з 49-га на 99-е месца, у яе цяпер 673 ачкі. Сёння Аляксандра Сасновіч няўдала стартавала ў асноўнай сетцы спаборніцтваў у Адэлаідзе, уступіўшы амерыканцы Даніэль Роўз (27). Беларуска Вольга Гаварцова мае 312 балаў, захаваўшы 190-е месца, у Веры Лапко 131 заліковы бал і 360-я пазіцыя ў сусветным рэйтынгу.
Топ-10 сённяшняга рэйтынгу WTA:
1. Эшлі Барці (Аўстралія) - 7547 ачкоў,
2. Караліна Плішкава (Чэхія) - 5940,
3. Наомі Осака (Японія) - 5496,
4. Сімона Халеп (Румынія) - 5461,
5. Эліна Світоліна (Украіна) - 5075,
6. Б'янка Андрэеску (Канада) - 4935,
7. Белінда Бенчыч (Швейцарыя) - 4605,
8. Петра Квітава (Чэхія) - 4436,
9. Серэна Уільямс ( ЗША) - 4215,
10. Кікі Бертэнс (Нідэрланды) - 4165.-0-