13 красавіка, Мінск /Кар. БЕЛТА/. Велагоншчыкі з Беларусі і Расіі змогуць прымаць удзел у спаборніцтвах, арганізаваных Балканскім саюзам веласпорту, паведамляе БЕЛТА са спасылкай на ТАСС.
Аб прынятым рашэнні аб'явіў прэзідэнт арганізацыі Уладзімір Куваля. "З гэтага часу велагоншчыкі з Беларусі і Расіі змогуць удзельнічаць у нашых чэмпіянатах без абмежаванняў і будуць часткай Балканскага саюза веласпорту, пакуль не вырашыцца праблема", - заявіў функцыянер.
1 сакавіка Міжнародны саюз веласіпедыстаў часова адхіліў беларускія і расійскія каманды і зборныя ад удзелу ў міжнародных спаборніцтвах.-0-