Фота з архіва
20 лютага, Мінск /Кар. БЕЛТА/. Беларускія плыўцы выйгралі 12 узнагарод першага этапу Кубка Расіі 2025 года, які завяршыўся ў Калінінградзе, паведамляе карэспандэнт БЕЛТА.
Апошні медаль у скарбонку нашай каманды прынесла Алеся Акінчыц, якая заняла трэцяе месца на дыстанцыі 800 м вольным стылем. Такім чынам, за два спаборніцкія дні беларускія плыўцы заваявалі сем залатых, тры сярэбраныя і два бронзавыя медалі. Трохразовай пераможцай этапу стала Аліна Змушко, якая паказала лепшыя вынікі на дыстанцыях 50 м і 100 м брасам, а таксама 200 м комплексным плаваннем.
Перамогі на стаметроўцы і двухсотметроўцы на спіне атрымала Настасся Шкурдай, якая таксама была другой на 50 м. Два медалі выйграла Настасся Куляшова (золата на сотні і серабро на 50-метроўцы батэрфляем), у гэтым жа стылі плавання заплыў на 200 м выйграў Іван Шамшурын. Сярэбраным прызёрам на дыстанцыі 1500 м вольным стылем стаў Канстанцін Курачкін, а Аляксей Рылько быў трэцім на 200-метроўцы комплексам.
Усяго ўдзел у стартавым этапе Кубка Расіі па плаванні прымалі 13 беларускіх спартсменаў, у Калінінградзе выступілі ўсе лідары нацыянальнай каманды, за выключэннем Ільі Шымановіча. У медальным заліку наша зборная заняла першае месца, апярэдзіўшы каманды з 19 рэгіёнаў РФ. Другі этап турніру пройдзе ў канцы красавіка ў Южна-Сахалінску.-0-
Апошні медаль у скарбонку нашай каманды прынесла Алеся Акінчыц, якая заняла трэцяе месца на дыстанцыі 800 м вольным стылем. Такім чынам, за два спаборніцкія дні беларускія плыўцы заваявалі сем залатых, тры сярэбраныя і два бронзавыя медалі. Трохразовай пераможцай этапу стала Аліна Змушко, якая паказала лепшыя вынікі на дыстанцыях 50 м і 100 м брасам, а таксама 200 м комплексным плаваннем.
Перамогі на стаметроўцы і двухсотметроўцы на спіне атрымала Настасся Шкурдай, якая таксама была другой на 50 м. Два медалі выйграла Настасся Куляшова (золата на сотні і серабро на 50-метроўцы батэрфляем), у гэтым жа стылі плавання заплыў на 200 м выйграў Іван Шамшурын. Сярэбраным прызёрам на дыстанцыі 1500 м вольным стылем стаў Канстанцін Курачкін, а Аляксей Рылько быў трэцім на 200-метроўцы комплексам.
Усяго ўдзел у стартавым этапе Кубка Расіі па плаванні прымалі 13 беларускіх спартсменаў, у Калінінградзе выступілі ўсе лідары нацыянальнай каманды, за выключэннем Ільі Шымановіча. У медальным заліку наша зборная заняла першае месца, апярэдзіўшы каманды з 19 рэгіёнаў РФ. Другі этап турніру пройдзе ў канцы красавіка ў Южна-Сахалінску.-0-
Падпісвайцеся на нас у
