16 лютага, Пекін /Кар. БЕЛТА/. Беларускія лыжнікі Аляксандр Воранаў і Ягор Шпунтаў не змаглі выйсці ў фінал алімпійскага каманднага спрынту, паведамляе карэспандэнт БЕЛТА.
У першым паўфінале дуэт з Беларусі заняў шостае месца, непасрэдна ў галоўны забег кваліфікаваліся чатыры лепшыя тандэмы. У Воранава і Шпунтава заставаўся шанц адабрацца ў фінал па часе сярод тых, хто прайграў, але другі паўфінал аказаўся хутчэйшым. Да прахаднога месца беларусам не хапіла 23 секунды.
Розыгрыш узнагарод у камандным спрынце ў мужчын пачнецца ў 12.45 па мінскім часе, жанчыны выйдуць на старт медальнага забегу ў 12.10. У абодвух фіналах выступяць па 10 дуэтаў.-0-
