11 сакавіка, Мінск /Кар. БЕЛТА/. Беларускія спартсмены прымуць удзел ва ўнутрырасійскіх спаборніцтвах па стральбе з лука, паведамляе ТАСС.
Чэмпіянат, Кубак і першынство Расіі па стральбе з лука будуць праходзіць у Алушце з 18 красавіка па 1 мая. "Цяпер мы перарабляем адзіны каляндарны план спаборніцтваў і вядзём перагаворы з беларускай федэрацыяй аб сумесным правядзенні мерапрыемстваў. Мы ўжо размаўлялі з галоўным трэнерам беларускіх спартсменаў, і яны адказалі згодай", - расказаў прэзідэнт Расійскай федэрацыі стральбы з лука Уладзімір Яшэеў.-0-