6 чэрвеня, Мінск /Кар. БЕЛТА/. Беларускія лёгкаатлеты аб'явілі склад на II Еўрапейскія гульні ў Мінску, паведамілі карэспандэнту БЕЛТА ў прэс-службе БФЛА.
У каманду ўвайшлі Марына Арзамасава, Эльвіра Герман, Настасся Мірончык-Іванова, Таццяна Халадовіч, Максім Недасекаў, Хрысціна Ціманоўская, Віталь Парахонька, Станіслаў Дарагакупец, Руслана Рашкаван, Аляксей Лазараў, Марына Міхан, Юлія Касцючкова, Ян Слома, Віялета Скварцова, Ігар Зубко, Аляксандр Васілеўскі, Ілья Карнавухаў, Андрэй Скабейка, Хрысціна Мулярчык, Максім Грабарэнка, Дар'я Барысевіч.
У склад на маючы адбыцца форум не ўвайшла бягуха Аліна Талай.
Спаборніцтвы па лёгкай атлетыцы на II Еўрапейскіх гульнях пройдуць з 23 па 28 чэрвеня на стадыёне "Дынама" ў новым фармаце - "Дынамічная новая лёгкая атлетыка" (DNA). У турніры прымуць удзел 24 каманды.
У праграму спаборніцтваў уключаны бег 100 м (мужчыны, жанчыны), бег 110 м з бар'ерамі (мужчыны), бег 100 м з бар'ерамі (жанчыны), кіданне кап'я (мужчыны, жанчыны), скачкі ў даўжыню (мужчыны, жанчыны), скачкі ў вышыню (мужчыны), эстафетны бег 4x400 м (дзве жанчыны, двое мужчын) і змешаная эстафета ў выглядзе гонкі праследавання (дзве жанчыны, двое мужчын).-0-
