15 сакавіка, Мінск /Кар. БЕЛТА/. У сталіцы Ірана Тэгеране завяршыўся міжнародны турнір па лёгкай атлетыцы, які прайшоў у рамках першых міжнародных Наўрузскіх гульняў сярод жанчын, паведамілі БЕЛТА ў прэс-службе БФЛА.
Удзел у International Nowruz Gah Indoor Athletics Tournament прынялі прадстаўніцы сямі краін: Беларусі, Ірана, Арменіі, Афганістана, Ірака, Кувейта і Кыргызстана. У склад нашай каманды ўвайшлі пяць спартсменак, кожнай з якіх удалося падняцца на п'едэстал. Двухразовай чэмпіёнкай спаборніцтваў стала Вольга Немагай, якая перамагла на дыстанцыях 1500 і 3000 метраў. Другой на дыстанцыі 1500 фінішавала наша Таццяна Шабанава, у актыве якой таксама серабро на дыстанцыі 800 м. У забегу на 400 м лепшы час паказала беларуска Ганна Міхайлава, яе сяброўка па камандзе Кацярына Харашкевіч стала ўладальніцай сярэбранага медаля. Яшчэ адно золата на дыстанцыі 60 м нашай зборнай прынесла Яніна Луцэнка.
У медальным заліку першых міжнародных Наўрузскіх гульняў для жанчын па выніках спаборніцтваў ва ўсіх прадстаўленых відах спорту Беларусь заняла другое агульнакаманднае месца. На першай пазіцыі размясціліся гаспадыні турніру з Ірана, зборная Расіі - трэцяя.-0-
