ДЗЯРЖОРГАНЫДЗЯРЖОРГАНЫ
Флаг Аўторак, 4 кастрычніка 2022
Мінск +7°C
Усе навіны
Усе навіны
Спорт
21 ліпеня 2022, 10:46

Беларускія клубы сёння правядуць матчы кваліфікацыі Лігі канферэнцый

Фота з архіва
Фота з архіва

21 ліпеня, Мінск /Кар. БЕЛТА/. Футбалісты трох беларускіх клубаў правядуць сёння стартавыя паядынкі 2-га кваліфікацыйнага раўнда Лігі канферэнцый, паведамляе карэспандэнт БЕЛТА.

Віцэ-чэмпіён краіны барысаўскі БАТЭ ў турэцкім горадзе Конья сустрэнецца з мясцовым клубам "Каньяспор". Гэту гульню рассудзіць партугальская брыгада арбітраў, якую ўзначаліць Густаву Карэя.

Уладальнікі Кубка Беларусі футбалісты "Гомеля" згуляюць у Салоніках з грэчаскім "Арысам" (пачатак сустрэчы ў 21.00; прамая трансляцыя на тэлеканале "Беларусь 5"). Сустрэчу будзе судзіць брыгада аўстрыйскіх рэферы на чале з Вальтэрам Альтманам.

Бронзавы прызёр нацыянальнага першынства мінскае "Дынама" ў ізраільскім горадзе Беэр-Шэва сустрэнецца з мясцовым "Хапаэлем" (пачатак гульні ў 20.30; прамая трансляцыя на канале "Беларусь 2"). Галоўным суддзёй гэтага паядынку назначаны нарвежац Эспен Эскас. У першым раўндзе дынамаўцы па суме дзвюх сустрэч перамаглі чарнагорскі "Дэчыч" - 1:1 і 2:1.

Паядынкі ў адказ за выхад у 3-ці адборачны этап пройдуць 28 ліпеня.

Чэмпіён Беларусі салігорскі "Шахцёр", які ўступіў у кваліфікацыі Лігі чэмпіёнаў славенскаму "Марыбару" (0:0 і 0:2), прадоўжыць выступленне ў еўракубках з 3-га раўнда кваліфікацыі Лігі канферэнцый. У пачатку жніўня ён сустрэнецца з пераможцам матчаў ЧФР (Клуж-Напока, Румынія) - "Інтэр" (Андора).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі