ДЗЯРЖОРГАНЫДЗЯРЖОРГАНЫ
Флаг Панядзелак, 6 снежня 2021
Мінск -2°C
Усе навіны
Усе навіны
Спорт
04 кастрычніка 2021, 12:06

Беларускія каратысты выйгралі дзве ўзнагароды на турніры серыі Karate1 Premier League ў Маскве

4 кастрычніка, Мінск /Кар. БЕЛТА/. Беларускія каратысты выйгралі дзве ўзнагароды на турніры серыі Karate1 Premier League, які завяршыўся ў Маскве, паведамляе карэспандэнт БЕЛТА.

Найбольш удала старт склаўся для Аляксея Водчыца (індывідуальнае кумітэ, вагавая катэгорыя звыш 84 кг), які выйграў серабро. Яго апярэдзіў толькі грузін Гагіта Арканія. Бронзу ў гэтай катэгорыі падзялілі азербайджанец Асіман Гурбанлы і Роб Цімерманс з Кюрасаа.

Бронзу выйграў для беларускай дружыны Антон Ісакаў (індывідуальнае кумітэ, 84 кг). Яшчэ адзін медаль аналагічнай вартасці пакінуў за сабой Панах Абдулаеў з Азербайджана. Серабро на рахунку мараканца Набіля Эч-Чаабі. Вікторыю святкаваў Юсуф Бадаві з Егіпта.

У жаночым кумітэ Марыя Азарава (вагавая катэгорыя 61 кг) і Марыя Аляксеева (68 кг) занялі пятыя месцы.

Турнір серыі Karate1 Premier League ў Маскве, што праходзіў на Малой спартыўнай арэне ЦСКА, сабраў у расійскай сталіцы каля 400 спартсменаў з 49 краін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі